قصيدة الشاعر ناظم الحاشي بحق السيد الشهيد الصدر قدس سره

[احمد الناصري]

ان من بين اوائل الشعراء الذين كتبوا للسيد الشهيد الصدر المقدس وعنه .. هو الشاعر ناظم الحاشي الذي واكب الشاعر ماجد العقابي والشهيد غني محسن البهادلي وجواد الحمراني وغيرهم .. وكانت قصيدته هذه من بين اول القصائد التي تغنت بشجاعة الصدر حين ظهوره وقيام جمعته . اليكم احبتي القصيدة ..

يا اول شرارة اشتعلت من الماي
ويا صوت الآذان الفجر الجمعه

ويا صحوة ضماير لوما صوتك جان
لبست خوفها و ماكَدرت اتنزعه

يل شلت التقيه وي الجفن تابوت
ولا كَدرت تقيه الصوتك اتمنعه

من مثلك تحزم بالمنيه حزام
ومن مثلك جفن يا سيدي درعه

ومن مثلك الهدم قلعة الطاغوت
كشف غش الاساس وطاحت القلعه

ياصدر الكرامة اشكد قسوا وياك
ورادوا صوت عدلك محد ايسمعه

وياصدر الكرامة اشكَد شرحت اصدور
ضاكَت بالعذاب اصدورها الوسعه

وياصدر الكرامة اشكَد مسحت اعيون
عاميها البجي وسلاحها الدمعه

وياصدر الكرامة وبيك صدر الدين
در كوثر كرامة ورادك اترضعه

وياصدر الكرامة وبيك حار الحوت
من نشفت مايه وخلخلت وضعه

جان الحوت يبلع كلمن ايمر بيه
وهسه الوحده وياهو اليجي ايبلعه

[محمد صدر]

احسنت طيب الله انفاسك وجعل ماكتبت في ميزان حسناتك
:)

[ابو حسن الموسوي]

من مثلك تحزم بالمنيه حزام
ومن مثلك جفن يا سيدي درعه
شجاعة ورثها من امير المؤمنين الذي كان لايهاب اوقع على الموت ام وقع الموت عليه
جزاك الله خير على نقل القصيدة وتم نقلها الى القسم الخاص بشعر ال الصدر

رعاكم الباري
ابو حسن الموسوي