الشاعرابوجعفرالزويني
30-09-2010, 11:35 PM
السلام عليكم ورحمه الله وبركاته
لو سالتني في اي يوم من مراحل حياتي
عندما كنت بالمهد او في طفولتي او في شبابي او كهولتي
حتى يوم ابعث عند الله
من حبيبك ؟؟
ساقول حبيبي هو صاحب هذه القصيدة وهي فلسفتي بالحياة ....مع اعتذاري له عن قصوري
"عـــــلي "
علي بحر المعاني الما يحده حدود
وعلي كل الخلك ما توصل لحده
علي هو علي بس ما نعرفه منين
لا نعرف ابوه ولا بعد جده
علي قبل الخلائق منخلق من نور
وكل هاي الخلك منخلقه من بعده
علي سر الاله الخلق بيه الكون
وبسر هالاسم الناس منوجده
بسم حيدر علينه وعترته كان
ادم ينتخي للباري وينشده
من ادم نبينه انخلقت الناس
اذن هذا دليل لحجي ويسنده
وبعد عندي دليل يفند الآراء
عن حيدر وادم من نبع وحده
لو حيدر علينه بصلب ادم جان
جان ابليس يسجد مية ألف سجده
وجان بليس بايع وانتهى الموضوع
ولا ادم نزل لا ضيع ألزبده
ادم نبي ومعصوم بالعصمة
وبعد سر الاله يملكه وعنده
ادم طمع صح وداخ بالشجرة
لان شجرة محمد وحيدرة وحده
مو تفاح راد ولا طمع بالمال
طمع باصل الولاية ورادهه بيده
وعلي بحر العلم الماتدركه عقول
وعلي سر الحرف والنقطة والمدة
وعلي حامي الدخيل وحاضر الغركان
وحتى ابليس ينخى حيدرة بشدة
وعلي قران ناطق الرسول يكول
ويا صامت لناطق كلي اليفسره
وعلي اول فدائي خطط التوحيد
بفراش الرسول المكتشف امره
علي حامي الضعون وحافظ النوماس
قريش بكبرياء الزود متحضرة
ارعد كالاسد من شاهد الفرسان
خايف لا يصدوا لفاطمة بنظرة
ورداهم علينه بصوته مو بالسيف
كلوب الكوم وكفت ردت مغبره
وعلي فارس بدر الغدت بيها اتحوم
اصحاب الرسول ارواحهه مزهره
وعلي لبّس قريش ابدر ثوب الذل
ولهليوم امية كلوبهم جمرة
وعلي سيفه يعرف الفاسد من الزين
سبع جدود يحسب سيفه ويطبره
وعلي خله ابدر بصمات تحجي سنين
وهند وحفادهه لليوم متاثره
وعن احد شسولف يا ابو الحملات
اخجل من اسولف كلبي اتعذره
يوم الفروا اصحاب الرسول بعيد
وحمزة اعلى الارض متجندل بغدرة
وبقيت انت وحيد اتحامي اعلى الدين
والاسلام صاح يريدك اتستره
علي يابا الحسن جبريل صاح بصوت
ادخيلك للرسول اتلاحك ونصره
وحميت انت الرسول ودافعت عالدين
وذو الفقار منك ماخذ الشفره
وابن ود من برز بمعركة الاحزاب
واصحاب الرسول فواهه محجره
ورفع صوته الرسول وينخه بالاصحاب
وكل الاصحاب سكته مغلسة بالمره
وبس حيدر وكف وصاح هالبيك
أذن لي رسول الرحمة والبشره
وصاح الرسول برز (الايمان كله للشرك كله)
وهزمت الشرك كله بسيفك ابتره
وتتمختر يحيدر كالوا العذال
جهال وما يفهموا المغزه والعبره
وبخيبر يحيدر علمتها فنون
ليهسه اليهود تعاني بالذكره
خيبر يفتهم وانطاك بس الباب
خايف تقلعه وينشال من جذره
ْْْْْْْْْْْْْْ
وللقصيدة بقية
الشاعر
ابو جعفر الزويني
لو سالتني في اي يوم من مراحل حياتي
عندما كنت بالمهد او في طفولتي او في شبابي او كهولتي
حتى يوم ابعث عند الله
من حبيبك ؟؟
ساقول حبيبي هو صاحب هذه القصيدة وهي فلسفتي بالحياة ....مع اعتذاري له عن قصوري
"عـــــلي "
علي بحر المعاني الما يحده حدود
وعلي كل الخلك ما توصل لحده
علي هو علي بس ما نعرفه منين
لا نعرف ابوه ولا بعد جده
علي قبل الخلائق منخلق من نور
وكل هاي الخلك منخلقه من بعده
علي سر الاله الخلق بيه الكون
وبسر هالاسم الناس منوجده
بسم حيدر علينه وعترته كان
ادم ينتخي للباري وينشده
من ادم نبينه انخلقت الناس
اذن هذا دليل لحجي ويسنده
وبعد عندي دليل يفند الآراء
عن حيدر وادم من نبع وحده
لو حيدر علينه بصلب ادم جان
جان ابليس يسجد مية ألف سجده
وجان بليس بايع وانتهى الموضوع
ولا ادم نزل لا ضيع ألزبده
ادم نبي ومعصوم بالعصمة
وبعد سر الاله يملكه وعنده
ادم طمع صح وداخ بالشجرة
لان شجرة محمد وحيدرة وحده
مو تفاح راد ولا طمع بالمال
طمع باصل الولاية ورادهه بيده
وعلي بحر العلم الماتدركه عقول
وعلي سر الحرف والنقطة والمدة
وعلي حامي الدخيل وحاضر الغركان
وحتى ابليس ينخى حيدرة بشدة
وعلي قران ناطق الرسول يكول
ويا صامت لناطق كلي اليفسره
وعلي اول فدائي خطط التوحيد
بفراش الرسول المكتشف امره
علي حامي الضعون وحافظ النوماس
قريش بكبرياء الزود متحضرة
ارعد كالاسد من شاهد الفرسان
خايف لا يصدوا لفاطمة بنظرة
ورداهم علينه بصوته مو بالسيف
كلوب الكوم وكفت ردت مغبره
وعلي فارس بدر الغدت بيها اتحوم
اصحاب الرسول ارواحهه مزهره
وعلي لبّس قريش ابدر ثوب الذل
ولهليوم امية كلوبهم جمرة
وعلي سيفه يعرف الفاسد من الزين
سبع جدود يحسب سيفه ويطبره
وعلي خله ابدر بصمات تحجي سنين
وهند وحفادهه لليوم متاثره
وعن احد شسولف يا ابو الحملات
اخجل من اسولف كلبي اتعذره
يوم الفروا اصحاب الرسول بعيد
وحمزة اعلى الارض متجندل بغدرة
وبقيت انت وحيد اتحامي اعلى الدين
والاسلام صاح يريدك اتستره
علي يابا الحسن جبريل صاح بصوت
ادخيلك للرسول اتلاحك ونصره
وحميت انت الرسول ودافعت عالدين
وذو الفقار منك ماخذ الشفره
وابن ود من برز بمعركة الاحزاب
واصحاب الرسول فواهه محجره
ورفع صوته الرسول وينخه بالاصحاب
وكل الاصحاب سكته مغلسة بالمره
وبس حيدر وكف وصاح هالبيك
أذن لي رسول الرحمة والبشره
وصاح الرسول برز (الايمان كله للشرك كله)
وهزمت الشرك كله بسيفك ابتره
وتتمختر يحيدر كالوا العذال
جهال وما يفهموا المغزه والعبره
وبخيبر يحيدر علمتها فنون
ليهسه اليهود تعاني بالذكره
خيبر يفتهم وانطاك بس الباب
خايف تقلعه وينشال من جذره
ْْْْْْْْْْْْْْ
وللقصيدة بقية
الشاعر
ابو جعفر الزويني