المساعد الشخصي الرقمي

مشاهدة النسخة كاملة : لبلدي الجريح ولكل من ضحوا من اجل هذا البلد؟اقول قصيدتي

ابو علي السعيدي
02-01-2011, 10:24 PM
بسم الله الرحمن الرحيم

للوطن الغالي اقول..





گبـل چان الوطـن والـوطـن يمـحـلاه..بـيـه مــن الصـبـح للعـصـر نتمـشـه


واذا مـــاردنـــه اكــــــل الــبــيـــت..نـروح بــاي مديـنـه انـريـد نتعـشـه


ولون شفنه الاكـل مدفـوع مـن فـلان..ماهـمـه شبـقـى ويــاه مــن قـرشــه


نـرجـع بـالـدرب نتقـاسـم الچلـمــات..كلمن على الصديج يريـد الـه حرشـه


ذاك انت طويـل وعيطـه عنـه انگول..وهـذا انـت گصيـر ومبتلـي بكـرشـه


ومـن هـذا وهـذاك تــلاگن الچلـمـات..وعيـون التشـوف ويــا اذن طـرشـه


مانـدري علينـه باجـر مــن ايصـيـر..ومـا الـحگ يخوتـي تطـلـع الغبـشـه


ياخذنه التعـب والسهـر والضحكـات..ونغفه على الوساده بدون كل فرشـه


ضاعت ياعلي وتيهـت هـاي النـاس..والـســدت علـيـنـه يـنـطـع هـرشــه


يگولون الجمـل لـوثگل حمـل اعليـه..تكـسـر هبيـتـه مــن يحـمـل الـكـشـه


تعـبـت والعـقـول ادمـــرت يـاحـيـف..والمسـنـون مـيـت تلـجـي الخـرشـه


كـلـه اتـامـرت ومطـيـره تحـكـم بـيـه..بيـت علـى النـوايـب ياكـثـر جـرشـه


عگب ماچنه وحده وبيه شوف العين..طـفـوه الاجــوه وعليـنـه الـوحـشـه


تالي بـس ظـلام وسكتـه كلـه اتخـاف..شالـو هـل الوطـن مـن شيعـو نعشـه


واصحينه على صوته الشيع البلـدان..ذاك الـــزال مـلـكـه تـربــع بـعـرشـه


شيعنـه الوطـن ياخوتـي نـص اللـيـل..وصعب على الكبر نص ليل وتنبشـه


خافـو ينفـضـح امــر الـدفـن باللـيـل..وخافو ينكشـف كـل زيفـه وي غشـه


سلمـنـه اللحـايـه بـيــد الـلـيگصـون..وعلـى سچت حـديـد مـعـلگه اللـشـه


مثـل گطـن الحويتـه تـريـده ايدفـيـكلـلـنـداف حـتـمـا يـسـعـى وينـفـشـه


واذا احنـه انفشنـه بـاول المـركـاضبعـد شنـو وعليمـن خـوف او نخشـه


اذا بــاگوا السـلـه والعـنـب فـرهــود..مــن هــاي اتـعـظ يابلـشـت البلـشـه


اذن سهلت علينـه وبينـه ايصيـدون..خل يكثـر ضلمهـم وبينـه خـل ركشـه


بـس نبقـى لـحـد الـمـوت متعـوديـن..مثـل طيـر اليمـوت ومـاتـرك عـشـه




اخوكم
ابو علي السعيدي
ابو حسن الموسوي
04-01-2011, 06:17 PM
خويه الان اقل كلمة يوديلك كوامه بعض الناس وبس الله اليستر
شكرا ً على القصيدة اخي الفاضل ابو علي

رعاك الباري
ابو حسن الموسوي
الحاج وسام
07-01-2011, 01:47 PM
بارك الله بك ياشاعرنا الطيب
:):):)
alsader005
ابو هيثم الكيمي
07-01-2011, 07:03 PM
يرجع انشاء الله الوطن احسن من الاول ما دام اكو ناس ابطال موجودين
أبو نور الحسيني
09-01-2011, 09:34 PM
قصيدة تحدثت عن معاناة الوطن الجريح
بارك الله فيك
ابو ملوكة
19-01-2011, 02:21 AM
اللهم صلي على محمد وال محمد وعجل فرجهم والعن عدوهم
صح السانك اغاتي
صورة واقعية مو كلمات
بارك الله فيك
تقبل مروري
ابو علي السعيدي
27-01-2011, 01:19 AM
الاخ الرائع
ابو حسن الموسوي المحترم
احنه ولد الصدر مانهاب اي شي
واحنه نقصد ناس تعرفهم انت واني ويعرفهم العراق
الناس الشرفاء بالبلد هواي وان شاء الله يعدلون امور البلد
واحنه وياهم
تحيات
اخوكم
ابو علي السعيدي
(عابر سبيل)
27-01-2011, 11:57 PM
عاشت ايدك الطيبة التعبير بحق وطنها
الشاعر ناظم الفضلي
28-01-2011, 10:55 AM
السلام عليكم اخي ابوعلي عاشت ايدك ع القصيدة بس مداخله بسيطه
واذا مـــاردنـــه اكــــــل الــبــيـــت.
هاي واكفه باللفظ فقط يعني تختلف عن الاشطر الاخرى مثل
عگب ماچنه وحده وبيه شوف العين
تقبل مروري

اظهر زيح عنه غيوم الارهاب * ظلم واحقاد ظل ينزل مطرها
من اسوؤ لاسوؤ اصبح الحال * ومن شعبه نفذ اجل صبرها
ابو نور الزهراء
26-07-2011, 08:25 AM
صح لسانك ،، صح لسانك
موفق اخي ابوعلي
نور البتول
27-07-2011, 01:58 AM
كلمات رائعة ومعبرة
بارك الله فيك
ام حسين
27-07-2011, 02:06 AM
احسنت واجدت

قصيده موجعه وجميله

موفقين